सतत काहीतरी शिकण्याचा प्रवास निरंतर सुरू राहो!

चित्र प्रातिनिधिक सोर्स - गुगल 


सकाळी क्लाससाठी घरातून बाहेर पडले पण, क्लासला अजून थोडा वेळ होता. नाही तर... मी तिथे जाणार, तिथलं कुलूप बघणार, मग सरांना कॉल करणार मग ते म्हणणार पाच मिनिटात आलो. एक्झॅक्ट पाच मिनिटं तिथं विनाकारण रेंगाळावं लागणार. हे सगळं टाळण्यासाठी म्हणून म्हटलं थोडा चहा घेऊ. रस्त्यात एस.एम.लोहियास्कूलच्या समोर एक मोठा गाडा दिसला. ज्यावर नाष्टा मिळेल, चहा, उप्पीट, पोहे शिरा आणि मिसळ असा बोर्ड लावला होता. गाडा बघून मी गाडी थांबवली. गाडी वळवता न आल्याने रस्त्याच्या एका बाजूला गाडी थांबवून रस्ता क्रॉस करून मी पलीकडे गेले. चहा घेतला. चहा घेता घेता गाड्याचं थोडं निरीक्षण केलं. गाड्यावर अनेक छान क्रिस्पी क्रंची tagline लिहिले होते. चहाच्या गाड्यावर सुद्धा मराठी कंटेंटचा चपखल वापर केला होता. हल्ली हे प्रत्येक ठिकाणी दिसतंच. आजच्या काळात ‘कंटेंट इज किंग’ असं का म्हटलं जातं ते लक्षात येतं. अनेक छोटे मोठे रेस्टॉरंट्स सोबतच आता छोट्या गाड्या असणारे लोकंही कंटेंट मार्केटिंगचा मार्ग निवडत आहेत. त्या सगळ्या लाईन्स वाचता वाचता चहा कधी संपला ते कळलं नाही. त्यातील काही लाईन्स लक्षात राहिल्या आहेत... 

1. मित्रांसोबत मिसळ खाताना स्टीलचा चमचा देखील ‘सोन्याचा’ वाटू लागतो. 

2. तो: काय ऑर्डर करू? पिज्झा की बर्गर?
ती: मिसळ!

3.उपाशी राहण्यापेक्षा उ.पो.शि. खा ना! उ.पो.शि.च्या प्रत्येक अक्षराखाली त्याचं त्याचं चित्र दाखवलं होतं... उपीट, पोहे, शिरा...

कंटेंटचा प्रयोग मला अफलातून यासाठी वाटला की यातली भाषा अगदी सामान्य होती. भावना, भाषा आणि गरज यांचा रसिक मेळ घातलेला होता.
चहा पिऊन संपल्यावर मी त्या काकांना विचारलं हा कंटेंट कुणी लिहिला आहे? 
ते म्हणाले, “मी स्वतः!”
त्यांचा कंटेंट मला आवडल्याचं मी आवर्जून सांगितलं!

कंटेंट रायटर होण्यासाठी कुठल्या वर्कशॉप किंवा कोर्सपेक्षा आपल्यातील जिज्ञासा, रसिकता, वाचन, आपण ज्या विषयावर लिहिणार आहोत त्याप्रती लेखक म्हणून असणारी संवेदनशीलता, सूक्ष्म आणि उत्तम निरीक्षण शक्ती,  मिळालेल्या माहितीचं योग्य आकलन करून घेण्याची क्षमता आणि सगळ्यात महत्वाचं आपल्यातील विद्यार्थी सतत जागरूक असणं याच गोष्टी जास्त महत्वाच्या आहेत.  वाचलेलं ते वेचून घेण्याची ग्रहणक्षमताही हवीच. 

कुठला क्षण तुम्हाला कधी काय देऊन जाईल हे सांगता येत नाही म्हणून वर्तमानात जगण्याची सवय (जी लावून घेणं तितकं सोपं नाही मात्र प्रयत्न केल्यास अशक्यही नाही) फारफार फायद्याची ठरते. 
आणि सगळ्यात महत्वाचं चांगला कंटेंट रायटर होण्यासाठी मुळात लेखन, अक्षर आणि साहित्याबद्दल अपार ओढ असावी लागते. ज्याला आजच्या भाषेत ‘पॅशन’ म्हणतात. 

व्यावसायिक लेखनात उतरण्याआधी मी सुद्धा कंटेंट रायटिंगच्या दोन कार्यशाळा केल्या. पण, या कार्यशाळा केल्या म्हणून लेखन सुधारलं असं नाही तर कार्यशाळेतून मिळालेले धडे अंमलात आणत गेले, शिकत गेले आणि महत्वाचं म्हणजे चुकत गेले म्हणून बऱ्याच गोष्टी साध्य झाल्या. 
कंटेंट रायटिंग कुठे शिकला? असा प्रश्न मला अनेकदा विचारला जातो. 

लेखन ही एक कला आहे. इतर कलेप्रमाणेच तिलाही साधना आणि रियाजाची गरज असते. ज्यासाठी खूप वेळ द्यावा लागतो. सतत त्याच्याशी निगडीत गोष्टी, माणसं यांचा शोध घेत त्यांच्याकडून शिकत राहावं लागतं. शिकत राहण्याचा प्रवास सुरू ठेवावा लागतो. आजही या क्षणी तो प्रवास सुरू असल्याची जाणीव देणारा आजचा दिवस! 

शिकण्याचा हा प्रवास सुरू राहीला तरच लेखन जिवंत राहील!  

✍🏻 MeghashreeS

Comments

Post a Comment

Popular posts from this blog

नात्यातील Red flags म्हणजे काय? Red flags कसे ओळखायचे? Red flags असणारे नाते टिकवायचे का?

Image
नात्यातील Red flags बद्दल हल्ली सगळीकडेच चर्चा होताना दिसते. पण Red flags म्हणजे नक्की काय ? ते कसे ओळखायचे आणि Red flags सह नातं टिकवता येतं की नात्यातून बाहेर पडणं हाच एक उपाय असतो ? जाणून घेण्यासाठी लेख शेवटपर्यंत नक्की वाचा. लाल रंग म्हणजे धोक्याचं प्रतिक. त्याच अर्थानं नात्यात Red flags हा शब्द वापरला जातो. ट्रॅफिकचा red सिग्नल लागल्यावर आपण थांबतो , तसंच नात्यातही आपल्याला काही सिग्नल मिळतात. जे सांगतात की, हे नातं आपल्यासाठी चांगलं ठरणार नाही. मुळात एकदा नातं जोडलं की , ते जन्मोजन्मी टिकवण्याच्या आपल्या संस्कृतीत नात्यातील Red flags बद्दल बोललं जाणं हीच मोठी क्रांती आहे. कारण आपला सगळा खटाटोप नातं टिकवण्यासाठी , वाचवण्यासाठीच चाललेला असतो. पण हल्ली नात्याच्या बाबतीतही आपला दृष्टीकोन बदलत आहे, ही नक्कीच स्वागतार्ह बाब आहे. एखाद्या व्यक्तीला नात्याचं महत्वच कळत नसेल , तर अशा व्यक्तीसोबत दीर्घकाळ नात्यात राहिल्याने आपल्या शारीरिक , मानसिक आरोग्यावर परिणाम होतोच. शिवाय करिअर , आर्थिक स्थैर्य , जीवनातील आनंद, समाधान यांनाही सुरुंग लागतो. एका नात्याचा परिणाम इतर...
Read more

भूतकाळाच्या मगरमिठीतून स्वतःची सुटका कशी कराल?

Image
Image source : Google गतकाळाच्या आठवणी एखाद्या भुताप्रमाणे आपल्याला झपाटून टाकतात. हा भूतकाळ कधीकधी इतका आपल्यावर अधिकार गाजवतो की आपण त्याच्या मगरमिठीतून कितीही सुटण्याचा प्रयत्न केला तरी सुटू शकत नाही. एखादे जीवघेणे आजारपण असेल , प्रेमभंग असेल , कुणा जवळच्या व्यक्तीचा मृत्यू असेल , एखाद्या जवळच्या व्यक्तीने केलेला विश्वासघात असेल , अशा घटनांनी मनावर खोल परिणाम केलेला असतो हे नाकारता येत नाही. या आघातातून सावरायचे झाल्यास स्वतःलाच प्रयत्न केले पाहिजेत. या नकारात्मक आठवणी सोडून देऊन जगणं शक्य आहे का ? असा जर प्रश्न तुम्हाला सतावत असेल तर याचं उत्तर आहे, हो. तुमचा भूतकाळ कसाही आणि कितीही वाईट असला तरी आजही एक चांगली व्यक्ती म्हणून जगण्याचा तुम्हाला अधिकार आहे. आपला भूतकाळ म्हणजे आपल्या आयुष्याचा एक भाग असतो , भूतकाळ म्हणजेच संपूर्ण आयुष्य नव्हे. थोड्याशा प्रयत्नाने तुम्ही या जंजाळातून नक्कीच बाहेर पडू शकता. या सहा पायऱ्या तुम्हाला तुमच्या भूतकाळाच्या मगरमिठीतून सुटण्यासाठी खूप म्हणजे खूपच फायदेशीर ठरतील.   यातील पहिली पायरी आहे , आपल्या भावनांप्रती सजग होणे – तुम्हाला जो ...
Read more

किस करण्याचे हे फायदे तुम्हाला माहित आहेत?/Benefits Of Kissing

Image
  सगळेच प्राणी कामक्रीडा करतात, प्रजनन क्रियेतील तो एक अविभाज्य भाग आहे. पण, प्रणयाच्या बाबतीतही माणूस हा प्राणी इतर प्राण्यांच्या तुलनेत वेगळाच आहे. प्रत्यक्ष प्रणयाइतकंच प्रणयाची सुरुवात आणि शेवट या दोन्ही गोष्टी माणसासाठी आणि नात्यासाठी महत्वाच्या आहेत. प्रणयाची सुरुवात तर नेहमीच मिठीने आणि किसने होते. आज ‘किस डे’ आहेच तर, आपण किस करण्याचे फायदे बघूया… जवळच्या व्यक्तीविषयी प्रेम व्यक्त करताना कधीकधी शब्द अपुरे पडतात तेव्हा आपसूकच आपण ते स्पर्शातून व्यक्त करतो. लहान मुलं जेव्हा रडतं तेव्हा ते आईकडे दिल्यावरच शांत होतं. कारण, त्याला त्या स्पर्शातून जाणवतं की आपण सुरक्षित आहोत. आई आणि मुलातील हा सुरक्षित बंध सुद्धा किस मुळेच जपला जातो. सुरुवातीला फक्त आपल्याला आईचा स्पर्श माहित असतो. मोठे होऊ तसे आपल्याला स्पर्शाची भाषा समजायला लागते. मग हा सगळा प्रवास येऊन ठेपतो पहिल्या किसपर्यंत! आयुष्यातील पहिल्या किस विषयी आठवून जर तुम्ही आजही मोहरून जात असाल तर, तुम्ही खरोखर भाग्यवान आहात! किस हा विषयच इतका गोड आहे, की त्यांनतर सगळंच गोड वाटू लागतं. ‘किसिंग’ या पुस्तकाच्या लेखिका अँड...
Read more