संपूर्ण दिवस आनंदात जावा असे वाटत असेल तर दिवसाची सुरुवात अशी करा.

Image source : Google


मनाला ताजेतवाने आणि सशक्त ठेवण्यासाठी रोज सकारात्मक विचारांचे खाद्य देण्याची गरज असते. रोजचा दिवस आनंदी जाणार की उदास हे तुमच्या परिस्थितीपेक्षा जास्त मन:स्थितीवर अवलंबून असते आणि मन:स्थिती तुमच्या विचारांवर अवलंबून असते. विचार आणि भावना यांचा संयोग जुळून आला की ती आपण त्याच भावनेच्या लाटेवर स्वार होतो.  दिवासभराचा आपला मूड कसा राहणार हे ठरवणे आपल्या हातात आहे. त्यासाठी फक्त आपल्याला स्वतःशी होणारा संवाद तपासावा लागेल आणि तो जर चुकीचा होणार असेल तर जाणीवपूर्वक बदलावा लागेल.

इथे काही सकारात्मक वाक्यांची यादी देत आहोत, ती वाचा आणि त्यातून तुम्हाला योग्य वाटतील अशा सकारात्मक विधानांची निवड करून ती तुमच्या मोबाईलमध्ये कॉपी करून ठेवू शकता किंवा पाठ करू शकता.

१. मी या नव्या दिवसाचे अतिशय आनंदाने, आशावादी होऊन आणि विश्वासाने स्वागत करत आहे.

२. आजचा दिवस माझ्यासाठी अतिशय आनंदाचा आणि उत्साहाचा असणार आहे.  

३. मी माझ्यातील नाकारात्मकता, चिंता, भय बाहेर सोडत आहे आणि या विश्वातील सकारात्मक ऊर्जा माझ्यामध्ये सामावून घेत आहे.

४. मी शांतता, प्रसन्नता आणि पवित्र्याचा अनुभव घेत आहे.

५. जे जे माझे आहे त्यासाठी मी पात्र आहे. माझ्या जवळ असणाऱ्या सर्व वस्तु, सुखसोयी, माझे कुटुंब, माझ्या मित्रपरिवार, माझे प्रियजन या सर्वांसाठी मी कृतज्ञ आहे.

६. योग्य वेळी आणि योग्य क्षणी मला जे-जे हवे ते मिळणार आहे.

७. या विश्वातील शक्ति माझे रक्षण करतात यावर माझा दृढ-विश्वास आहे.

८. माझ्या इच्छा पूर्ण होणारच यावर माझ्या विश्वास आहे.

९. माझ्या क्षमतेनुसार आणि माझ्या गतीने मी माझ्या आयुष्यात प्रगती करत आहे.

१०. कृतज्ञता आणि प्रेम यांनी मी ओतप्रोत भरलेली/भरलेला आहे.

११. वैश्विक शक्ति नेहमी माझ्या मदतीला तत्पर असतात.

१२. माझा माझ्यातील आंतरिक शक्तीवर विश्वास आहे.

१३. माझ्या आयुष्यात खरोखरच काही गोष्टी मनासारख्या घडत आहेत आणि त्याबद्दल मी कृतज्ञ आहे.

१४. मी सुखी, स्वस्थ आणि सुरक्षित आहे.

१५. आयुष्यात जे होत आहे ते चांगल्यासाठीच होत आहे आणि जे होईल तेही चांगल्यासाठीच होईल.

१६. माझ्यासाठी जेजे चांगले आणि उत्तम असेल ते ते मला मिळाले आहे आणि इथून पुढेही मिळत राहील.

१८. आज माझ्या आयुष्यात काहीतरी जबरदस्त घडणार आहे. त्यासाठी मी कृतज्ञ आहे.

१९. आज मी ठरवलेली सगळी कामे ठरल्याप्रमाणे आणि सहजतेने होणार आहेत, त्याबद्दल मी कृतज्ञ आहे.

२०. माझ्या सगळ्या चिंता सोडून देत आहे. सगळे काही चांगले होईल यावर माझा विश्वास आहे.

Comments

Post a Comment

Popular posts from this blog

नात्यातील Red flags म्हणजे काय? Red flags कसे ओळखायचे? Red flags असणारे नाते टिकवायचे का?

Image
नात्यातील Red flags बद्दल हल्ली सगळीकडेच चर्चा होताना दिसते. पण Red flags म्हणजे नक्की काय ? ते कसे ओळखायचे आणि Red flags सह नातं टिकवता येतं की नात्यातून बाहेर पडणं हाच एक उपाय असतो ? जाणून घेण्यासाठी लेख शेवटपर्यंत नक्की वाचा. लाल रंग म्हणजे धोक्याचं प्रतिक. त्याच अर्थानं नात्यात Red flags हा शब्द वापरला जातो. ट्रॅफिकचा red सिग्नल लागल्यावर आपण थांबतो , तसंच नात्यातही आपल्याला काही सिग्नल मिळतात. जे सांगतात की, हे नातं आपल्यासाठी चांगलं ठरणार नाही. मुळात एकदा नातं जोडलं की , ते जन्मोजन्मी टिकवण्याच्या आपल्या संस्कृतीत नात्यातील Red flags बद्दल बोललं जाणं हीच मोठी क्रांती आहे. कारण आपला सगळा खटाटोप नातं टिकवण्यासाठी , वाचवण्यासाठीच चाललेला असतो. पण हल्ली नात्याच्या बाबतीतही आपला दृष्टीकोन बदलत आहे, ही नक्कीच स्वागतार्ह बाब आहे. एखाद्या व्यक्तीला नात्याचं महत्वच कळत नसेल , तर अशा व्यक्तीसोबत दीर्घकाळ नात्यात राहिल्याने आपल्या शारीरिक , मानसिक आरोग्यावर परिणाम होतोच. शिवाय करिअर , आर्थिक स्थैर्य , जीवनातील आनंद, समाधान यांनाही सुरुंग लागतो. एका नात्याचा परिणाम इतर...
Read more

भूतकाळाच्या मगरमिठीतून स्वतःची सुटका कशी कराल?

Image
Image source : Google गतकाळाच्या आठवणी एखाद्या भुताप्रमाणे आपल्याला झपाटून टाकतात. हा भूतकाळ कधीकधी इतका आपल्यावर अधिकार गाजवतो की आपण त्याच्या मगरमिठीतून कितीही सुटण्याचा प्रयत्न केला तरी सुटू शकत नाही. एखादे जीवघेणे आजारपण असेल , प्रेमभंग असेल , कुणा जवळच्या व्यक्तीचा मृत्यू असेल , एखाद्या जवळच्या व्यक्तीने केलेला विश्वासघात असेल , अशा घटनांनी मनावर खोल परिणाम केलेला असतो हे नाकारता येत नाही. या आघातातून सावरायचे झाल्यास स्वतःलाच प्रयत्न केले पाहिजेत. या नकारात्मक आठवणी सोडून देऊन जगणं शक्य आहे का ? असा जर प्रश्न तुम्हाला सतावत असेल तर याचं उत्तर आहे, हो. तुमचा भूतकाळ कसाही आणि कितीही वाईट असला तरी आजही एक चांगली व्यक्ती म्हणून जगण्याचा तुम्हाला अधिकार आहे. आपला भूतकाळ म्हणजे आपल्या आयुष्याचा एक भाग असतो , भूतकाळ म्हणजेच संपूर्ण आयुष्य नव्हे. थोड्याशा प्रयत्नाने तुम्ही या जंजाळातून नक्कीच बाहेर पडू शकता. या सहा पायऱ्या तुम्हाला तुमच्या भूतकाळाच्या मगरमिठीतून सुटण्यासाठी खूप म्हणजे खूपच फायदेशीर ठरतील.   यातील पहिली पायरी आहे , आपल्या भावनांप्रती सजग होणे – तुम्हाला जो ...
Read more

किस करण्याचे हे फायदे तुम्हाला माहित आहेत?/Benefits Of Kissing

Image
  सगळेच प्राणी कामक्रीडा करतात, प्रजनन क्रियेतील तो एक अविभाज्य भाग आहे. पण, प्रणयाच्या बाबतीतही माणूस हा प्राणी इतर प्राण्यांच्या तुलनेत वेगळाच आहे. प्रत्यक्ष प्रणयाइतकंच प्रणयाची सुरुवात आणि शेवट या दोन्ही गोष्टी माणसासाठी आणि नात्यासाठी महत्वाच्या आहेत. प्रणयाची सुरुवात तर नेहमीच मिठीने आणि किसने होते. आज ‘किस डे’ आहेच तर, आपण किस करण्याचे फायदे बघूया… जवळच्या व्यक्तीविषयी प्रेम व्यक्त करताना कधीकधी शब्द अपुरे पडतात तेव्हा आपसूकच आपण ते स्पर्शातून व्यक्त करतो. लहान मुलं जेव्हा रडतं तेव्हा ते आईकडे दिल्यावरच शांत होतं. कारण, त्याला त्या स्पर्शातून जाणवतं की आपण सुरक्षित आहोत. आई आणि मुलातील हा सुरक्षित बंध सुद्धा किस मुळेच जपला जातो. सुरुवातीला फक्त आपल्याला आईचा स्पर्श माहित असतो. मोठे होऊ तसे आपल्याला स्पर्शाची भाषा समजायला लागते. मग हा सगळा प्रवास येऊन ठेपतो पहिल्या किसपर्यंत! आयुष्यातील पहिल्या किस विषयी आठवून जर तुम्ही आजही मोहरून जात असाल तर, तुम्ही खरोखर भाग्यवान आहात! किस हा विषयच इतका गोड आहे, की त्यांनतर सगळंच गोड वाटू लागतं. ‘किसिंग’ या पुस्तकाच्या लेखिका अँड...
Read more